Angelababy老公黃曉明接趙薇棒為大陸綜藝節目《中餐廳》第三季做店長,帶領秦海璐﹑楊紫﹑王俊凱等人喺意大利開餐廳,不過重點竟然落咗喺黃曉明嘅言行舉止上,一眾網友都對佢好有意見呀!
《中餐廳》微博
《中餐廳》截圖
黃曉明被指討論過程中霸道獨裁,唔肯聽人意見,淨係識得落Order,仲爆出好多霸道金句例如:「我不要你覺得,我要我覺得。」﹑「你覺得不管用的,我覺得管用好嗎」﹑「聽我的好不好,一個人說的算,這個事情不需要討論」等等,曉明嘅狂妄語氣睇到好多觀眾都躁躁哋,嘲諷佢有「中年王子病」。
唔知曉明平時係咪都係咁樣對老婆Baby。(《中餐廳》截圖)
網民留言負評曉明。(《中餐廳》微博)
繼佢被狠批有「中年王子病」之後,今次又因為小學雞級嘅英文水平,畀網民笑全體主持丟架丟到國際!事緣有網民發現節目入面,餐廳用嘅餐牌Menu英文錯漏百出,令人質疑參與拍攝藝人嘅教育水平,仲齊齊大玩Proofread!Menu最開頭嘅「軟飲」變咗「Sort Drink」;珍珠奶茶就譯咗做「Pear Milk Tea」;意大利啤酒就咁譯做「Italy Beer」;夏日紅西柚酸奶就變咗做「Summer just yogurt」;老北京酸梅湯就改埋味道變糖漿「Peking Plum Syrup」,仲有啲飲品單位都錯到離晒譜,睇到人一頭霧水兼啼笑皆非!
精彩。(《中餐廳》截圖)
同網上呢張經典圖片有異曲同工之妙!(網上圖片,非《中餐廳》節目)
大家識睇中文都睇到嘔白泡,真係唔知外國人點樣跟呢個Menu點餐!唔少網民留言嘲笑「英文似初中未畢業」、「係咪又用Google Translate出事?」、「醜到唔敢睇」等,劣評不斷!
《中餐廳》微博
《中餐廳》微博
好奇又精靈嘅網民就睇番究竟係邊位主持咁失策!原來第一集所有主持都有參與討論,一開始寫Menu呢個重任落喺王俊凱身上,但點知佢做做吓又瞓着咗,之後就交咗畀楊紫,身為店長嘅黃曉明做埋Final Check把關都搵唔到有錯,唔知係求其定係真心冇墨水,總之就個個都有責任,真係睇到人眼都凸埋呀。
本身王俊凱負責寫Menu。(《中餐廳》微博)
點知做到瞓着個波又交咗畀第二個。(《中餐廳》截圖)
大家都提議下次佢哋可以放下身段同明星嘅面子,虛心請教專業人士好過出醜喺75億人前。